|
|
హైదరాబాద్లో బతుకమ్మ 100 రోజుల వేడుక
|
 |
కాకతీయ ఫిల్మ్స్ పతాకంపై రూపొందిన బతుకమ్మ చిత్రం 100 రోజుల వేడుక జూబ్లీహిల్స్లోని రావినారాయణ ఆడిటోరియంలో బుధవారం రాత్రి జరిగింది. ఈ కార్యక్రమంలో దర్శకనిర్మాత దాసరి నారాయణరావు ముఖ్యఅతిథిగా పాల్గొన్నారు.
ఈ సందర్భంగా ఆయన మాట్లాడుతూ, తెలుగు సినిమా జరుపుకుంటున్న నిజమైన పండుగ ఇది అని అన్నారు. సినీ రంగంలో అతిరథులు లేకుండా నిజమైన నటులతో 100 రోజులు జరుపుకున్న చిత్రమిదని అన్నారు. నైజాంలో 9 ప్రింట్లతో విడుదలై 25 ప్రింట్లకు చేరుకుందని అన్నారు.
చిత్రంలోని ఒక్కో పాత్రధారి చక్కగా నటించారని కొనియాడారు. చిత్ర దర్శకుడు ప్రభాకర్ చెప్పాల్సిన పాయింట్ను సూటిగా మనసులకు హత్తుకునే విధంగా చెప్పారని ప్రశంసించారు. ఈ కార్యక్రమంలో తమ్మారెడ్డి భరద్వాజ, గోరెటి వెంకన్న, అందెశ్రీ, చిత్ర నిర్మాతలు సరస్వతీ రామ్మోహన్రావు, వనజా చంద్రశేఖరరావు తదితరులు పాల్గొన్నారు.
(మూలం - వెబ్దునియా)
|
|
|
|
